كِلْمِهْ

انْشلعَتْ مِنِ حْفافِ السّما

وْنِزْلَتْ عَلَى شْفافِ الظَّما

نِزْلَتْ شِتا إبيضْ

يِغْسِلْ قُلُوبِ النَّاسْ بالرَحْمِهْ

وِيْفَيّقِ الإنْسانْ في الإنْسانْ

إنْتِ، يَ بِيدَرْ حُبْ

يَللّي زَرَعْتِ الْقَلْبْ

بِالْخِيرْ

بِالْحَقِّ اللِّي ما بِنْضامْ

وْعَمَّرْتْ قَلْعهْ تِرْفَعِ الإيمانْ

وْمَدِّيتْ خِيمِهْ تُحْرُسِ الدِّنْيا.

وْنِجْمِهْ

بْتِطْلَعْ عَلى أَحْلامْنا الْخَضْرا

بْتِضْوي سَمانا

بْتُطْرُدِ الضبعِ اللِّي فِينا

بْتِجِلْدو تَا يْقُول "تُوبِهْ"

وْيِنْهَزِمْ

إنْ غَطّتِ الْعَتْمِهْ

إيَّامْنا وْإنْ ضاعْ مِنَّا الدَّرْبْ

إنْتِ

وْرَجا ما بِنْقَطِعْ في عُمِرْنا

إنتِ

يا إبْنِ الربّْ

يا خياّ.

5/5/2001